劉美君（Prudence）經過15年的歷練，走過兩段婚姻，誕下一子一女，現時與外籍男友感情穩定，去年回歸娛樂圈，開過紅館演唱會、攞過金馬獎最佳女主角，外人看來愛情、事業同樣愜意，但她說：「我只係好少講太Personal嘅嘢！」問她是否只因「劉美君」三個字太強，反而成為「不能軟弱的包袱」？Prudence說：「我都好佩服自己，因為我從來都冇包袱，唔擺阿姐款，我真係可以放到自己好低，絕對唔會同人講『唔係名牌唔好畀我』，今次返嚟我當自己係新人，我係由零開始。」

劉美君表示人類最大問題就是「無知」和羊群心態。

劉美君的家庭觀念很重，每逢時節最想一家人齊齊過。

家庭觀念強

面對愛情，Prudence坦言現時較公私分明：「依家比我細個嗰陣清晰，知道自己做嘅嘢。身邊有好多朋友覺得女人要結婚先係有成就，我覺得唔係人人都要追求同一樣嘢，最緊要有獨立思考！雖然我經過兩次Divorce（離婚），但係我個家庭觀念好強，過時過節，都最想一個家齊齊整整咁過。」她自爆年輕時亦把愛情看得很重，但現時懂得找平衡點。

劉美君與外籍男友感情穩定。資料圖片	Prudence和黃泰來最終離婚收場。資料圖片	Prudence前年在紅館開騷，與林海峰貼身合唱。

她的音樂風格獨特，令樂壇猶如久旱逢甘露，Prudence直言喜歡向新向前：「我鍾意求新，唔鍾意停留喺80、90年代嘅劉美君，我做音樂從來唔會計算，依家個市場係點，夠膽去唔理市場，呢個係我嘅長處，講真，隻碟唔賣得，我唔會心痛，因為唔係我決定賣幾多，我只係決定自己要點做，做好隻碟之後就唔到我理。」

人最慘有「無知病」

擇善固執的劉美君直指人類最大問題就是「無知」，羊群心態令人只懂看事情的表面：「好多人成日對自己有懷疑，佢覺得嘅嘢，只要有人提出反對，佢就會懷疑，冇自我價值嘅人就會認同咗人哋，慶幸，世界上仲有啲肯承擔自己相信嘅嘢嘅人，如果只係睇表面，咁啲人一聽我唱《午夜情》，實以為我係個蒲到飛起嘅人，點會估到我平日鍾意喺屋企玩瑜伽？」