名模周倩圯 （Samantha）最近與朋友到馬爾代夫，度過陽光與海灘的聖誕，但事前要花上逾十二小時才到達，她說：「我由下晝三點上機，到凌晨四點先到達！落船時仲唔小心拗柴！」回程時因航班延誤，她足足花了近一天時間才抵港。
Samantha透露所住的酒店佔據整個小島，一行人騎單車環島遊：「朝早享受陽光與海灘，夜晚瞓喺吊床睇星星，玩浮潛又唔使出海！因為水淺到腰咋，冇教練都好安全。第一晚我已見到海龜游過，朋友仲見到兩條小鯊魚，但第二日玩浮潛唔記得搽定防曬，曬到背脊傷晒！去馬爾代夫旅行係我心願，但搭飛機嗰陣見到好多小島已經陸沉，所以一定要嚟，因為真係好值得嚟。」
