昨日鎮宇正在西貢寓所照顧受傷的太太，對於有消息指其指控有變，他大感無奈，為免再傳出不同的消息影響案情，遂跟律師商量，決定向有關方面發出律師信，他說：「案件到依家為止，絕對冇任何升級或降級嘅控告，有嘅話警方會出示公文，如果發放消息者有嘅話，我都好想佢拎出嚟畀我睇睇，第二，我絕對冇掌摑對方！」

被指舉粗口手勢

對於鎮宇涉打人一事，好友張家輝說：「我Call佢都冇覆，劉青雲都話唔知咩事，好在問鎮宇經理人，知道係小事。」至於廖啟智前晚出席活動時說：「我未打畀鎮宇，等佢冷靜下先，作為丈夫係有焦急嘅地方，畀着自己都可能會咁，希望係誤會啦！」

此外，昨日有男讀者報料，指上月與太太在街上遇見鎮宇夫婦放狗，期間見鎮宇愛犬到處屙尿，便跟太太耳語一番，怎料鎮宇向他們高舉粗口手勢。對此，鎮宇說：「我啲狗都送晒畀人，得番一隻，唔會帶佢周圍去，如果我有做粗口手勢點解唔影相？不過我唔太記得當日做過啲咩！」