盧巧音：「我同佢識咗10年，佢係Nice Guy，對朋友非常好，做嘢又專業，從來冇見過佢發脾氣。（有冇見過佢女友？）冇！係佢私人事。」
倫永亮：「我識得恭碩良，不過唔熟。（佢火爆？）唔了解。（做藝人應該冷靜啲？）應該！不過我唔知咩事，如果係陳潔靈打人嘅話，可能我會知。」
C君：「佢唔會無緣無故郁手，不過空穴來風未必無因，其實做人都唔可以衝動，藝人更要檢點，好多人學習！」
陳潔靈：「唔熟恭碩良，唔知件事點，好難評論！和平相處係哲學，鬧人唔啱，打人唔啱，人與人溝通要學習，做到聽唔到、睇唔到、見唔到，咁就EQ高。」
Chita：「我同恭碩良都係澳門人，一齊玩音樂，識咗好耐，可能佢太錫女友，先一時控制唔到情緒，我諗佢係太嬲。」