巨型配飾有畫龍點睛的作用，潮媽陳慧琳（Kelly）及李嘉欣的打扮都能凸顯星味，不過胡亂配襯頸飾只會弄巧反拙，容易變成「聖誕樹」。
陳慧琳潮媽典範
耀眼指數：★★★★★
「好靚！略嫌不足係條頸鏈嘅銀鐵色突出唔到上面嘅黃色水晶片，換咗係黑色會靚啲，而且對手可以加番啲黑色玉石鏈，感覺會更好。」
李嘉欣高貴驚艷
耀眼指數：★★★★★
「一個字，艷！化妝同條裙好配合，好Sweet，件Fur同珠鏈令佢好高貴，襯到絕，加上佢身材好先Carry到呢件Fur，完全冇臃腫嘅感覺。」
鍾欣桐懷舊Feel
耀眼指數：★★★★
「畀我就唔會戴呢條銅色嘅頸鏈，銅色有懷舊嘅感覺，銀色鏈會突出啲，強調硬朗感，右手已經有手套，加多條手鏈有啲Over咗。」
江若琳過分硬朗
耀眼指數：★★★★
「都幾靚，但條鏈巖巉，下身條傘裙已經好多嘢，若戴條簡單嘅鑽石吊墜會更好，冇咁硬朗。」
高海寧顏色唔Match
耀眼指數：★★★
「條鑽石頸鏈唔夠大，應該到胸前嘅Y字位，頭飾同條綠色裙唔襯，換咗做孔雀嘅藍綠色會好啲！」
劉嘉玲感覺Heavy
耀眼指數：★★★★
「條頸鏈略嫌太大，唔對稱嘅衫襯條對稱嘅鏈，心口見番多啲肉會好啲，冇咁Heavy。」
楊千嬅後生醒神
耀眼指數：★★★★
「整體感覺好後生，襯立體頸鏈唔錯，佢條鏈形尖尖哋，如果加番對粒狀嘅耳環，Match條鏈更好，不過抵讚係All Back頭襯單肩衫，睇得出千嬅識襯衫。」
陳刀Profile
陳刀畢業於香港理工大學，03年舉行首個個人時裝展，曾為不少歌星作形象設計，今年為I Love You Boyz設計頒獎禮服飾。