過去三個聖誕，李亞男都要獨自在港度過，今年終於等到媽咪來港陪她過節，所以今年聖誕特別開心：「我作咗首歌、拍埋MV會速遞送畀爹哋。」問到獨自過聖誕會否特別寂寞？她笑說：「過咩節日都會有啲Downo架！不過好在有好多契媽、朋友，過時過節好多人陪。（見人一雙一對，會恨拍拖？）一直都有追求者，但唔想亂拍拖，因為我一拍拖就諗住結婚，如果冇可能就唔會開始。」

降「低」擇偶條件

身高5呎9吋的李亞男，以往擇偶條件最低限度要高過穿了高跟鞋的她兩、三吋，即有6呎1吋以上，但在香港確較難搵到合適對象，所以她把條件降低至跟她高度相若即可，但當然要是人品好的基督徒。

至於周美欣來港後，家人都會輪流來陪她，所以不曾感到寂寞，問到想不想拍拖？才21歲的她說：「我仲細，想以事業為先，隨緣啦！遇到啱嘅咪拍囉！冇亦唔急，反而我好想試吓拍劇。」提到早前被拍得與外籍朋友一齊，被指主動追求對方，她澄清是傳統中國人，所以希望男友也是中國人或是很了解中國文化的外國人，她更強調從不會主動追男仔。