陳法拉拍劇兼拍電影，首部電影作品是跟任達華及苗僑偉合作的《撕票風雲》，與任達華合作機會較多，她大讚對方好人，肯提攜新人及教了她不少養生之道。戲中，兩人有感情線，愛情淡然並不着迹，法拉認為若現實中感情如是，會覺得痛苦，但拍戲的話則很有挑戰性。
問到電視與電影哪一項較好玩？法拉說：「兩樣嘢好唔同，拍電影演員可以一個個鏡頭慢慢拍，我覺得幾適合我，因為我係幾慢嘅人，好多時睇番自己演出，會覺得做得唔夠好，希望再拍過！拍電視嘅節奏好快，要好記得走位同對白，所以我唔係咁認同啲人話拍電視易過拍過電影，拍電視都好考演技o架！」
