昨日吳亭欣與Lisa S.出席黃埔新天地活動，以聖誕女郎裝示人的吳亭欣透露聖誕夜會跟家人度過：「都係同家人過好啲。（男友呢？）唔會喇！唔想影響到個男仔，加上呢幾日都好多人約我，不過我三心兩意未揀定。」她直言現時的擇偶條件是專一，被問到對方是否一定要沒有妻子？她即顯得頗為尷尬，並語塞說：「嗯‥‥‥唔可以有老婆同女朋友囉！（查對方家宅？）都係，問得仔細啲。（要有錢？）有事業基礎啦！我好捱得，有冇錢都唔緊要！」她又指跟亞視已沒有任何合約，會否再做幕前工作則要看緣分：「啱啱拍完一齣禁毒電影。（半退出？）拍戲睇緣分啦！」她透露正為父親的環保建築公司出任Marketing工作。