25/12/2009

播放本新聞相關短片

Kathy撇仔台北過聖誕

今日聖誕佳節，名模周汶錡（Kathy）及劉丹各有節目，近日忙於香港、台北兩邊飛的Kathy，完成工作後即與朋友食飯：「我第一次喺台北過聖誕，屋企人都喺度，不過細妹冇嚟到。（男友Julien Lepeu同行？）係朋友同屋企人一齊啫！」她狂呻近日忙到病：「好攰呀！攰到膊頭都痛，仲有兩聲咳！」
劉丹習慣為好友準備禮物，好嘢大家分。
  • 劉丹習慣為好友準備禮物，好嘢大家分。

至於由北京來港發展的劉丹，聖誕憶起與好友歡度的日子：「我最鍾意聖誕節，喺北京過聖誕氣氛好好！」為氹好友高興，她更會準備小禮物：「我會買啲好用嘅化妝品畀朋友，好嘢齊齊分享！」