早前因不滿崔建邦（Amigo）上位而對無綫意興闌珊的王賢誌，雖然陳志雲曾找來二人接受訪問，希望能使他們冰釋前嫌，但最後仍心結難解。昨日記者致電王賢誌，問到與Amigo關係如何？他表示間中亦有與對方通短訊：「雖然係少啲聯絡，但係好似上次佢哥哥傳欠債嘅事，我都有SMS問候佢，都唔係外界所講咁不和嘅！」
對於Amigo涉嫌出手打女友一事，王賢誌說：「我都想問佢點解咁衝動，避開咗兩日唔出嚟解釋，某程度上係默認。呢幾年佢事業一帆風順，又遇到好多貴人，唔醒覺娛樂圈係一沉百踩，好似梁榮忠同倪震都尚且如此，今次佢仲涉嫌刑事法律責任咁嚴重。（有冇同佢SMS？）冇呀！但係我留意到佢MSN冇開，依家都係等佢出嚟面對傳媒，相信嚟緊嘅日子都唔好受。（個女仔太高調？）都覺！可能愛嘅反面就係恨，又可能係博宣傳，都可能係太嬲所以還以顏色！」他表示欣賞唐詩詠的處理方法成熟，對舊愛有情有義。