有線娛樂新聞台主持黃芳雯（Paula）和可宜（Natalie Mitchell）與娛樂台主持李嘉馨（Ali）三位靚女，現聖誕前夕已密鑼緊鼓計劃一連串慶祝活動迎接聖誕。曾任職空中小姐的黃芳雯表示，曾因工作關係到過不同地方過聖誕，當中最難忘的是在杜拜中的沙漠中過聖誕，她說：「我真係冇諗過喺個沙漠度食串燒、睇肚皮舞咁過聖誕，所以比白色聖誕更印象。」
而可宜則十分重視家觀念，今年亦會與家人和親友搞派對慶祝一番：「我好珍惜同家人嘅時間，因為細個喺英國讀書，試過喺新年一個人飛返英國，當時好掛住屋企人，亦因為時差問題，人哋倒數迎接新一年，我就喺宿舍攰到瞓着咗唔知乜事。」另外，單身的李嘉馨表示不想過寂寞聖誕，故主動出擊邀請好友到家中歡度。
場地：Lobby Lounge @ 太子酒店
髮型：Ray Ip @ HH Hair .nail（黃芳雯）
Issa Luk @ Piashasa（李嘉馨）
Jason @ O4（可宜）