節日氣氛瀰漫全城，美女廚神Liz（李莉琳）自言欠缺愛情運，常常在節日前後分手，多年來習慣孤單過聖誕：「有時同一大班朋友一齊仲熱鬧，但今年都希望有心儀嘅男仔約我去街，不過機會好微，我鍾意嘅人通常對我都冇乜感覺。」Liz亦希望可以趁年底去一個短程旅行，為自己充電打氣，明年繼續努力衝刺。

不愛夜蒲

十人巷優秀者Bella表示，看到美輪美奐的聖誕裝飾已令她很雀躍：「我覺得夏天啲人躁啲，冬天就靚啲同溫馨啲，尤其鍾意以前返學開聖誕派對，一年係得呢一日可以扮靚啲！」Bella坦言身邊朋友都較年長，年僅17歲的她被處處保護：「佢哋話飲酒夜蒲就冇我份，我約咗幾個好朋友去做薑餅，另外就係有個朋友話會送佢第一條織嘅頸巾畀我。」