陳奕迅（Eason）早前接受新城知訊台DJ林柏希專訪，分享他的音樂世界，Eason形容音樂已成為他的必需品：「無論係起身、瞓覺同開車，我都會聽住歌，有時瞓唔着，都會聽歌等自己快啲瞓着。」他表示人與人之間總需要音樂，一旦沒有音樂，就會覺得太寧靜：「好彩我嘅工作同音樂關係密切，可以經常吸收生活中嘅新事物，發揮喺音樂上。」
Eason認為近期的《沙龍》最能夠代表音樂與世界相連的關係：「作呢首歌嘅時候，無需諗太多，唔使討好其他人，可以忠於自己而創作。」他更表示心態是正面及樂觀積極：「但有時都會空虛、寂寞，我係一個需要情緒起伏同衝擊，先可以生存嘅人。」
