憑「警鐘胸」於年底食尾胡的Jessica C.，成為大小活動的常客，豬籠入水，但她未有因而驕傲：「我唔需要搵好多錢，希望屋企人夠用，自己又有錢讀番書，咁就心滿意足喇！呢個月真係好忙，但忙得好開心，我覺得自己好幸運，因為出名唔係必然。雖然有負面報道話我假胸，又成日畀人追訪，或者呢啲係紅嘅代價啦！不過，其實我唔覺自己紅，總之香港係我嘅Lucky Place，我好愛香港！」

童心未泯的Jessica，堅信世上有聖誕老人。

放大圖片

男友心情緊張

戀愛大過天的Jessica，今年將首度與男友Sergio過聖誕，心情興奮：「今年聖誕好特別，Sergio第一次見我父母，佢好緊張！一直以來，我夢想中嘅聖誕係同最愛喺屋企開Party，我負責下廚，大家吃喝玩樂，咁就好滿足！」

Jessica自言還是一個小朋友，對聖誕老人深信不疑：「細個會擺隻襪喺床邊，希望聖誕老人畀禮物我，雖然媽咪話係佢送嘅，但我依然信聖誕老人存在，有夢想嘅人會比較幸福。」