陳敏之：唔清楚件事唔方便講，唔係當事人，都唔知道真相，Amigo好有風度，好照顧朋友，希望佢冇事，男人打女人點都唔啱，但事件係點冇人知。

馬國明：佢應該唔會打人，成件事都未知係點，希望大事化小！希望佢冇事！唔會受事件困擾。

丁子高：淨係睇報道去評論對Amigo唔公平。（致電問候？）呢個時間唔會。（Amigo為人衝動？）見到佢都好Nice，應該唔會，會唔會影響形象，要睇事後點解決，盡快出嚟回應，唔好令外界有太多揣測。

李曼筠：男或女打人都係唔啱，傷到人之餘又傷到自己，之前同Amigo合作過，唔覺佢花弗，好風趣，我未試過畀男人打。（會報警？）睇吓件事大定小，大嘅話會去警署備案，或者搵家人平息事件。

沈卓盈：同Amigo唔熟，平時喺化妝間見面會打招呼，覺得佢幾好人，唔清楚件事係點，不過男人打女人係大忌，自己接受唔到。（遇過衰男人？）好彩冇，如果對方打我，我會即刻走。（報警？）要睇番件事，未必報警。