崔建邦涉嫌打傷女友，惹來圈中不少回響，不少女藝人認為「男人打女人」行為不對，而名模Rosemary昨日更以「過來人」親身講經歷，但不肯開名被誰打：「總之我係經歷好多經驗，先有感受，不過我係Strong Girl，識跆拳，冇人可以傷害我，因為我識Fight Back（還擊）。（當時點解唔報警？）覺得兩個人之間解決，唔想鬧大件事。（係咪前男友Christopher打過你？）No Comment，佢係好易動氣嘅人，同佢相處要小心翼翼，要Take Care佢感受，不過我依家自由喇！（以後帶眼識人？）係！要識個男仔十年先會再拍拖。」她又認為凡事要以和平解決，遇到問題應該冷靜思考和深呼吸。
此外，鄧麗欣（Stephy）、薛凱琪（Fiona）、徐子珊、施念慈及羽翹，均不能接受男友動粗，Stephy說：「如果男朋友打自己都接受唔到。（報警？）未必！可能出手嗰刻係衝動，唔想搞到警方，除非好嚴重。」徐子珊表示與崔建邦相熟，對於「涉打女事件」，她說：「如果件事係真，係好恐怖，因為打女仔真係好唔應該！」薛凱琪則不接受男打女：「以我認識嘅崔建邦唔覺得有暴力傾向，所以都好愕然！」至於曾與鄺敏慧合作的施念慈表示，覺得對方是個可愛的女仔：「唔理性別係男定女，總之打人就唔啱！」