崔建邦身為無綫總經理陳志雲愛將，以及無綫包薪經理人合約藝人，對今次事件，昨日陳志雲及樂易玲表示已聯絡他。陳志雲坦言公司會暫時暫停他的工作，直至另行通知。問到會否心痛，陳說：「未了解件事真相，唔知點形容，人生總有難關要過，就算做錯，只要回頭都可以支持，佢依家有冇做錯都唔知。（叫佢戒女色？）年輕人拍拖好正常，但藝人感情較容易被關注，一向覺得藝員拍拖冇問題。」
樂易玲則表示知道Amigo已於律師陪同下到警署，要事件明朗化他才會出來交代：「佢話冇郁手打人，詳細唔方便講，佢又因件事影響公司而致歉，我覺得唔需要，因為最大影響係佢自己，佢話願意接受任何處罰。（解約？）等成件事明朗啲先知，佢平時做嘢用心，希望件事化小。」