阮兆祥：「以我認識嘅Amigo，佢係個好Nice嘅人，唔覺得佢有脾氣同暴力傾向！（知佢同鄺敏慧一齊？）我唔係好知！我淨係知佢同唐詩詠唔係喺一齊！我會Send SMS慰問佢，希望只係誤會！始終呢件事影響佢嘅形象！」

陳偉霆：「打過電話畀佢（Amigo），但係搵唔到佢，好擔心！佢平日無論對男女都係好細心，係一個Nice Guy！（停工？）都係好事！可以畀啲時間佢冷靜吓，等佢諗吓點樣面對件事！」

關心妍：「我識嘅Amigo好Nice，上次我攞錯獎佢第一個打嚟安慰我，同幫我打圓場，希望佢冇嘢！可能係小誤會！（打女人唔啱﹖）邊個打邊個都唔啱，情侶間有好多嘢嘅，唔係當事人唔會知！」

黎諾懿：「感情係兩個人嘅事，等Amigo回應先，依家件事暫時都係女方講，可能件事唔係咁！而且Amigo之前都有拍拖，都冇發生呢啲事！」

謝天華：「之前去佢嘅生日會見佢同唐詩詠都冇乜嘢！平日佢好斯文同有禮！（停工？）事件剛發生，佢心情都好難平復，仲要對住電視都有難度！」

監製錢國偉：「打過電話畀佢，但係搵唔到佢！（停工﹖）我唔清楚件事，唔係咁方便評論！」