崔建邦爆出涉嫌打女友鄺敏慧，成全城熱話。據警察公共關係科發言人表示，前日一名20歲女子報案，指遭襲擊致頭部及胸口受傷，需送院治理，警方將案件列作襲擊致造成實際身體傷害案件處理，拘捕一名30歲男子，該男子已獲准保釋候查，下月初返警署報到。有消息指崔建邦昨凌晨現身長沙灣警署，至凌晨3時許，一名疑似律師的男子與另一男子離開警署。
疑似留言：I'm OK
無綫方面，昨日開始全面暫停Amigo主持工作，無綫製作部總監（非戲劇製作）何麗全表示昨晚的《勁歌金曲》由胡蓓蔚代替Amigo擔任主持，而稍後播映的《十大勁歌金曲總選》、《娛樂十大奇案》亦考慮更換主持，至於《東張西望》Amigo亦會全面停工，但影響最大的是J2台播映以其命名的節目《My Name Is 邦》，何麗全說：「原本今日嘅錄影都取消咗，呢個節目做到出年，存貨去到一月中，依家要睇情況先知點，如果警方調查完冇問題，會繼續做。（係咪禁止Amigo出鏡？）唔係，係想佢處理咗私事同休息吓先。（畀佢上節目剖白？）唔會，我哋唔鍾意大做文章。」無綫總經理陳志雲則透露，Amigo於電話中表示因給公司帶來麻煩及虧欠公司而感歉意及沮喪，陳志雲勸他要勇於面對。
在Fans為崔建邦而設的討論區上，發現「amigochoi」於昨午1時30分，以「I'm ok」為題留言給Fans，雖然疑似崔建邦只是寫：「I'm ok，Don't worry！」但不少Fans仍向他表示支持。
《勁歌》臨急換主持
而昨晚臨時受命頂替主持《勁歌》的胡蓓蔚，不願多作評論：「件事交咗畀警方處理，唔方便講咁多。佢（Amigo）冇乜喺我面前提佢啲私事，希望件事盡快平息。」而監製麥鎮東則說：「《勁歌》暫時會由胡蓓蔚做住先。」而昨晚上《勁歌》的泳兒及容祖兒，異口同聲指覺得Amigo為人很Nice，泳兒更呼籲他現身交代事件。
其他工作方面，奧海城證實正斟洽Amigo明年2月出騷，商場方面指搵藝人工作只會着重對方的才華，不會留意其私生活，故斟洽仍會繼續，不會因毆打事件而有所改變。而Amigo經理人表示他本已申請了聖誕放假，故工作沒有受到影響，至於新年工作仍未落實。