徐子珊昨日到海港城，出席Venture Studio聖誕城揭幕，與「全城快樂笑容選舉」的四位得獎小朋友合照。穿上吊帶短裙的子珊自爆家姐再度有喜，令她開心不已：「上年有個願望，就係家姐再有小朋友，依家終於達成咗！」
子珊透露每周抽時間練歌，預備一連串音樂頒獎禮。有指她是無綫總選新人獎得主，子珊坦言很大壓力：「我好緊張，之前去《優秀選》時，可能四大唱片公司同無綫嘅事，令到嗰晚嘅氣氛好凝重，壓力非常之大！我依家最希望形象設計師幫我搵啲靚同型嘅衫。（好有信心攞獎？）唔係！攞唔攞到獎都要上台表演㗎嘛！（版稅嘅事令你嘅機會大咗？）唔覺，年尾應該冇事㗎喇！」
