由於無綫與HKRIA鬧版稅風波，故四大唱片公司歌手均缺席前晚的《TVB8金曲榜頒獎典禮》，出席歌手不足20人。奪最受歡迎女歌星的祖兒連掃3獎，問到可覺得出席歌手不多？她說：「天氣好凍，但我個心係熱血嘅！我哋係最大受難者，同阿Sa由石器時代講到2012年，阿Sa綵排完仲走咗，搞到我個口好乾，要刷一刷牙！」她表示其他歌手缺席並沒有令得獎機會增加：「邊關事！我諗本身都有我啩？希望事件可以盡快解決。」

曹格奪6獎，成為全晚大贏家。	阿Sa希望版稅風波盡快完結。	G.E.M.入行日子雖短，但已屢獲獎項。

曹格則奪得金曲金獎及最受歡迎男歌星等6獎，成為大贏家，由他主唱的《寂寞先生》更奪得最佳作詞獎，他說：「係好大嘅鼓勵，今年聖誕節第一年同屋企人喺香港過！（太太嚟港實你？）可能係，有太太管住好幸福！」他表示聖誕期間將與側田見面，但未知會否一起慶祝，他呼籲友人不要送酒給他作為聖誕禮物：「去Party會飲少少，見過鬼怕黑。」

瑤瑤聖誕搞抱抱會

奪得新人銅獎的郭書瑤（瑤瑤）表示首次參加頒獎禮心情緊張，她透露聖誕節將在香港進行抱抱會，問到會否性感上陣，她說：「睇天氣同公司安排！」阿Sa（蔡卓妍）被問到可會覺得場面較冷清時，她說：「我都要狂飲水，冇辦法，件事仲未明朗，希望好快完結啦！」