靚佬王敏德同老婆馬詩慧去到邊都係恩愛到暈，咁恩愛唔多唔少都係王敏德真係對老婆寫個服字，持家有道，仔女聽教聽話，仲有時間令自己成日鬼火咁靚！小小So睇住王敏德兩個女大，話晒有女初長成，點都擔心個女唔知識咩人，尤其依家社會咁複雜。但王敏德話完全No Problem，尤其係少男少女最易做「錯事」嘅聖誕節，佢完全唔擔心兩個女會「出事」：「我真係唔知個女到時有咩節目，但我真係唔擔心佢哋，因為老婆真係好叻，一早幫佢哋安排晒節目，變相係叫做睇住佢哋，我又點會擔心，哈哈哈！」
真係唔怪得王敏德笑得出，除咗有個又叻又醒嘅老婆之外，近排最開心就係下月可以達成十年嚟嘅願望，以Part Time形式做直升機機師：「恨咗咁多年，終於可以做到，但做之前都要經過緊急應變等測試，Pass到就冇問題！」