本文重點
前日何鴻章接受本報獨家訪問，問到其子何東舜銘（Michael）與陳復生離婚一事？何生激動否認何東舜銘是其兒子，更着記者反問十姑娘。記者再致電何鴻章，他同樣表示找不到十姑娘：「麥慧貞叫過我搵十姑娘，我搵過好多次，但都搵唔到，我寫信畀佢，又畀Michael個菲傭截住，根本冇辦法接觸到佢，我都好擔心佢安危，好心痛！（唔報警？）如果要報都唔輪到我報啦！希望陳復生可以攞番個自主權，呢件事好認真，係關乎十姑娘安危！」問到有否與何東舜銘聯絡？他慨嘆地說：「佢求我嗰時咪有囉！」
看護：近半年搵唔到佢
期間一名何鴻章的看護接過電話，她自稱曾是十姑娘的看護，亦表示無法與十姑娘聯絡：「近半年開始搵唔到佢，好似話佢喺一個好神秘嘅地方，最擔心就係十姑娘有病，要睇醫生定時食藥，咁樣好危險，依家又冇人搵到佢，真係令人好擔心！何生都想報警，但醫生唔建議，因為一報警就要落口供，起碼搞幾個鐘，佢頂唔住，依家何生次次講起都好激動，咳得好犀利，佢唔可以受刺激！」說畢，身後的何鴻章即不斷咳嗽，該看護即表示要照顧何生，匆匆掛線。
Profile
83歲的何鴻章父親是何東爵士的二子何世儉，何東家族在1890年代是香港四大家族之首，身家估計約數百億港元。何鴻章除與英籍妻子安妮（Patricia Anna Shea）育有五子三女外，1941年他與堂姊十姑娘在祖父結婚周年時邂逅，1959年誕下私生子何東舜銘（原名麥舜銘），他在01年承認何東舜銘是兒子，但近日卻否認與何東舜銘的父子關係。