陳復生：最後見佢係十月

正與何東舜銘辦理離婚手續的陳復生，昨日與十姑娘女兒麥慧貞召開記者會，爆出與十姑娘有兩個月失去聯絡，期間陳復生多次提及奶奶時顯得相當憂心，三度激動落淚，對於奶奶「下落」，她直言考慮從法律途徑求助。

陳復生表示最後一次與十姑娘見面，是在十月初、中秋節過後，至今已有兩個月聯絡不上，追月（10月4日）她聯同子女與十姑娘一起食飯，當她提起十姑娘時，即雙眼通紅地說：「我好想見番奶奶！」此時，陳復生不停用紙巾抹淚，身旁的麥慧貞代為發言，表示有人不准陳復生返回寓所，並有意收回另一個物業。當陳復生回復冷靜後說：「Anita（麥慧貞）打畀我話收到律師信，我都覺得好震驚，我話我都差啲畀佢趕走，Anita好想我話畀媽咪聽，但我同佢講Michael都唔畀我見十姑娘，成兩個幾月，所以我都無能為力。」她又指出知道麥慧貞去年曾與十姑娘聯絡，當時有人吩咐工人阻止十姑娘接電話，她說：「就算我係太太，我都冇辦法。」

數度落淚

陳復生對於Michael向她發律師信，要求收回3隻戒指，她對此說：「只要我見到十姑娘，佢親口同我講，我隨時願意交出嚟。中秋節之後，冇聽過佢把聲，一路冇見過十姑娘，以前十姑娘想食一啲嘢會打畀司機，依家都係工人打畀司機。我覺得好奇怪，我哋係親人，以前就話Anita同佢有官司，依家冇咗都冇機會見。」陳復生又指早前曾帶十姑娘作身體檢查，她目前很擔心老人家狀況，她說：「大家都關心十姑娘依家嘅情況，唔係要老人家出嚟公眾場合，可以喺屋企見，我哋有要求過。」此時陳復生再度忍不住落淚，並激動地說：「係乜嘢理由呢？我哋有太多問號，好擔心佢，Antia有講過到時同老人家做身體檢查，問佢發生咩事。」陳復生表示上月17日到北京公幹，回港後收到何東舜銘的律師信，要求她交出戒指，而她目前已辭任基金會一職，理由是不想再被人利用。