熊黛林（Lynn）早前才使盡絕招擊敗王秀琳，不過最近有指城城將與舊愛藤原紀香合作新片，難怪Lynn日前花盡心思，買定聖誕禮物氹城城！當日下午4時許，素顏上陣的Lynn於經理人陪同下前往中環ifc掃貨，選購禮物給城城，認真有心思！

專攻數十萬鑽錶

於商場徘徊了一會後，二人到了名錶店de GRISOGONO，甫入店內，Lynn即細心挑選男裝靚錶，豪氣的她更專攻櫃內約數十萬元的鑽石錶，不過她左挑右選，似乎拿不定主意，不時托下巴及咬手指，最終揀了約10分鐘，她才着店員拿了數隻名錶給她揀個夠。期間，Lynn不停詢問經理人意見，又把名錶戴上手，落足眼力細閱一番！當她得悉門外有記者時，即煞有介事地與經理人離去，還一臉無奈地扁嘴，一向任影唔嬲的她隨後還低頭避鏡頭，與經理人急急腳乘的士閃人。

Lynn（右）專攻鑽錶，要求店員取出幾款選擇。	Lynn（左）在名錶店外「罰企」，商量一會才入內選購。	Lynn不時摸摸下巴，看來心大心細。

除了買錶攻城外，Lynn較早前獨自到中環掃貨，戴上黑超及圍上頸巾的她，沿途被不少途人認出，但她未有理會，先到時裝店掃新裝，然後轉戰鞋店。Lynn甫入店內已被店員認出，數名店員即時上前招呼她，Lynn隨後挑選了兩、三對靚鞋，不足10分鐘已扑錘購買，然後便往停車場取車離開。

Lynn極速試穿幾對靚鞋，夠晒效率！

Lynn雖然戴上黑超，但仍被店員認出。

自嘲買不起名車

事後本報記者聯絡上Lynn，問到是否買錶贈城城作聖誕禮物？她甜絲絲地說：「咩呀？當日我幫阿哥攞隻錶去整之嘛！（買咗咩聖誕禮物畀城城？）未知買咩畀佢呀！我都未有時間睇！（城城鍾意咩？）係人都知佢鍾意車，不過我買唔起！（買湯底囉？）邊有人送湯底做聖誕禮物o架！」