即將舉行處女個唱的江若琳（Elanne）昨日現身馬鞍山舉行簽唱會，獲逾百名歌迷支持，師弟組合Square更帶備按摩器相贈。成員Gary（趙俊承）與James（何尚謙）疑似抽水，除乘機求抱之餘，James更將按摩器貼近她的臀部，Elanne笑說：「唔會抽水啦！佢哋對我冇感覺，好多謝佢哋，但如果係電動（按摩器）會開心啲！」
大會特意安排兩位小朋友以其造型現身，氹得Elanne笑逐顏開。其後，幾名歌迷上台模仿她在寫真的高難度動作，一位男歌迷在踢腿時不慎跌倒，她即上前慰問。簽唱會上，Elanne獻唱新歌《Show You》及《愛無可忍》，舞台竟被她「跳到震」，連累她以咪傷人，她說：「感覺到郁，企唔穩時唔小心撞咗個咪埋Dancer度，嗰刻顧住跳都冇諗到驚唔驚。」
此外，Elanne透露有份參演的內地劇集《男兒本色》正於內地播放，大受歡迎：「好開心，今年歌影視都有好成績。我知道新碟賣過六萬，依家加印緊！（經歷大起大跌？）有呢啲過程開心啲，用努力去證明。」提到在《優秀選》中憑《Show You》打入金曲之列，Elanne大叫感動，但不認為與「版稅風波」有關，她說：「唔敢諗總選會唔會機會大咗，平常心面對。」