是非沒完沒了的同門師姐妹趙碩之（Wylie）與尹蓁晞（Yumi），日前打破隔膜，相約師姐戴夢夢及陳若嵐（Melody）扮靚迎聖誕，罕有地顯默契！

厭倦被指不和

據知，Yumi認為本來的裙子太性感，Wylie即捱義氣與她交換，Yumi說：「佢知我唔慣咁性感，所以主動提議同我交換，令我好感動！同埋佢知我唔識戴缽仔糕，即刻教我點戴個胸形會靚啲，真係好好人！」夢夢得悉後表示四人向來感情OK，而Wylie則揚言對不和傳聞很厭倦：「本來覺得傳吓不和無傷大雅，當見吓報囉！但當啲新聞無日無之咁傳落去，我就覺得係時候停止，我驚傳傳吓變咗真就死喇！」

談及聖誕大計，夢夢表示打算在家開派對，三位師妹即報名參加，Wylie更笑言要着潛水衣赴會：「我平時露胸露得太多，到時如果着潛水衣，一定好有新鮮感！」至於Yumi及Melody則笑言要穿運動裝及可愛公仔睡衣，令夢夢激氣大叫：「我都冇話預你哋，你哋唔好唔知醜好唔好！」