被郭富城暗寸「諗多咗」的王秀琳（Mango），昨日出席《名模成名之路大揭秘》時否認曾食檸檬，她自爆已收到男友人送的鑽石頸鏈作為第一份聖誕禮物，問到是否有追求者時，她說：「有追緊啩！（唔可以亂收鑽石？）頸鏈又唔係鑽戒！我對佢冇意思，唔會有（發展）機會。希望喺情人節前搵到男友，如果未搵到就求其搵個人食飯！（大把觀音兵？）有！不過我冇打算真係拍拖！（怕再食檸檬？）冇食過，畀檸檬人食就多！」問到可會預備禮物給城城，她表示還未有時間購買。
另外，同場的羅凱珊（Kama）以密實造型上陣，對於Jessica C.及高海寧以巨咪襲模界，她坦言靠Nude Bra也可以有警鐘胸效果，但因天氣太凍而暫時封咪。
