前晚，一連兩場的《鄭伊健友情歲月09演唱會》圓滿結束，林海峰、彭羚、蔡一傑、李克勤及黎諾懿等好友撐場，而女友蒙嘉慧（YoYo）亦做跟得女友睇足全場！雖然伊健未有在台上多謝女友，但他不時向YoYo大唱情歌，難怪她終於肯「走出人群」，大方站在台前為男友打氣！而伊健亦難抵歌迷熱情，四度落淚兼四度安歌。林珊珊在台上大爆首次見伊健的印象，並說：「我對你永遠都唔會變！」場面感人！

伊健走到台前與Fans握手，報答他們多年來的支持。

YoYo（箭嘴示）情緒高漲，走到台前親近男友。

開Part 2拒宣布婚訊

事後，伊健力撐沒有喊：「我流淚之嘛！」問到在台上指10幾年來「要換的已經換晒」，是否暗示YoYo已經是最好？他說：「我冇講！有啲嘢唔使講！」他表示有意明年再開個唱，記者提議他在Part 2宣布婚訊，他笑言性格反叛：「人哋叫我就唔做。（咁分手啦！）咁又唔好！」

對於四大唱片公司與無綫的糾紛升級，重投Sony Music的伊健說：「娛樂圈最緊要團結，以和為貴，事情總會解決！」前晚無綫收費台亦有到場採訪，但遭唱片公司杯葛，要求與其他電視台一同做訪問，據知伊健與無綫仍有歌手及部頭合約。