出道短短一年多的鄧紫棋（G.E.M.）分別憑《All About You》與《Game Over》的MV位列第七位及第十位，點擊次數多達30多萬次，更成為唯一一位歌手有兩段影片打入十大！G.E.M.興奮地說：「好開心！一出道，公司已經好注重網上宣傳，一有片公司就會即刻擺上網，上網嘅大多都係年輕人，反映年輕歌迷都接受咗自己！」

Mr.榮登第四位

至於Mr.則憑熱播歌曲《如果我是陳奕迅》的MV榮登第四位，主音Alan說：「呢首歌係Mr.作曲，特別榮幸，希望嚟緊頒獎禮可以拎到好成績！」

昨日G.E.M.出席活動，問到近日四大唱片公司與無綫因播歌版稅問題而關係決裂，她希望事件能盡快平息：「作為樂壇一分子，希望能夠百花盛放，我去頒獎禮都當去派對，愈多歌手去就愈好。」環球唱片公司旗下的張敬軒提起此事時亦不禁嘆氣，他說：「點解搞到咁？好似金融海嘯嗰陣咁，每日都有大鑊嘢，我個人希望件事已經到頂。」他又建議雙方飲廿四味降火。剛續約無綫的軒仔亦顯得十分無奈，更自爆每個騷只有一百元車馬費：「仲慘過菲傭！」