官恩娜（Ella）早排出席環保活動，小小So同佢咁老友，當然要現身支持。不過，一見面佢即刻係咁呻屋企個家傭，話畀佢激到紮紮跳！其實Ella係個大情大性同好樂觀嘅人，甚少會咁嬲，小小So即刻問佢發生乜事啦。Ella話前排懷疑有人偷屋企嘢，但因為要飛去外地做嘢冇時間處理，返到嚟即刻向家傭了解件事，點知家傭話唔清楚，Ella覺得佢說話唔老實，但最慘係佢要趕住出席活動，冇時間爭論，惟有打畀媽咪幫佢處理。其實小小So都發生過同類事件，仲建議Ella快啲解決，扁晒嘴嘅Ella就話：「佢啱啱上晒手，換佢又要賠畀佢，依家都唔知點好，好煩呀！」佢仲向小小So取經點避免閉門失竊。希望Ella盡快同家傭了解清楚，以免大家面左左啦！