性感組合Freeze成員石詠莉（Sukie）天生擁有豐滿身材，不過數到最自豪的，莫過於遺傳媽咪的「巴掌面」：「意思係一隻手掌就可以遮得晒塊面！」談到這副長不大的娃娃臉，Sukie如數家珍般說出「巴掌面」好處：「最近好流行巴掌面！被譽為最上鏡嘅面形，好多人勁買美容產品瘦面，都係想擁有佢，我天生就有！真係慳番唔少！」Sukie感謝媽咪將「潮物」相送，更希望「巴掌面」能代代相傳成為「傳家之寶」：「希望第時生小朋友都可以繼續遺傳呢個優良血統，恨死隔籬！」
但凡事亦有兩面，雖然「巴掌面」可令Sukie長期保持靚樣上鏡，但同時亦為她帶來麻煩：「有時真係連自己都呃埋，因為面尖尖，肥咗都唔會覺，成日以為自己食極都唔肥，但一着緊身衫就無所遁形！」
