舒淇前晚與丁子高、姚予晴、王友良及Rosemary等出席手機活動，略作性感打扮的她，白滑肌膚上還可見左胸旁有兩粒小痣，右邊亦有一粒，「三點盡露」相當誘人。據堪輿學家麥玲玲表示，面無好痣，但胸上有痣是好事，更有機會誕下很聽話的小朋友。

對於早前被指有新男友，舒淇否認：「嗰個係公司同事，我依家個男朋友係甄子丹，我哋一齊拍緊戲！」她表示忙到沒有時間讓人追求，聖誕亦要在工作中度過：「有冇都係一種緣分，我唔急搵真命天子，依家爭人好多片約，2012年都仲還緊，所以拍唔到章子怡部戲，好可惜。」

丁子高恨生兔BB

同場的丁子高被問到有相士批他機會添虎BB，他說：「生虎都OK，但如果可以嘅話，我想生兔，兔同我夾啲，不過都係天意，我個樣都唔似咁唔謹慎，始終都想傳統啲等擺完酒先生。」