蔡卓妍（阿Sa）、鍾舒漫（Sherman）及陳偉霆（William）前晚於頒獎禮上贏得佳績，憑《二缺一》獲頒人氣歌曲獎的阿Sa，近日因工作壓力失眠，至日前完成澳門個唱後才可入眠，不過竟碌落床撞傷眉頭：「初時摸到濕濕哋，仲以為流血，原來只係大汗啫！」她表示只會用SMS跟容祖兒傾訴減壓，未有向男友鄭中基訴苦：「我哋唔講工作嘢！（只談情？）淨係講無聊嘢！（叫男友陪瞓？）頂住呀！」有傳鄭中基與Angelababy撻着，她竟淡定大讚情敵：「傳聞成日都有，好多事都係注定！（對自己有信心？）一向都有！」