容祖兒、古巨基、出爐影帝張家輝及韓國人氣組合SS501等前晚出席《Yahoo！搜尋人氣大獎2009》頒獎典禮，英皇狂掃11獎成為大贏家，當中奪得「本地女歌手」及「Yahoo！搜尋十大人氣歌曲」獎的祖兒，腳踏平底鞋現身，深受讚賞，連兩大型男林峯及張家輝也不禁上前搭訕，她笑言高踭鞋帶來阻礙：「我搵到新方向喇！依家好評如潮，會着多啲平底鞋，自己膝頭唔見使，要睇醫生食藥同補軟骨劑！」她更笑言着上平底鞋後異性緣「嘭嘭聲」標出來！

祖兒（左三）、泳兒（右一）與SS501喜相逢，即變身粉絲合照。

祖兒攞獎攞到手軟，自然喜上眉梢。

至於基仔則榮獲「本地男歌手」及「Yahoo！搜尋十大人氣歌曲」獎，提到好友劉翔與同門師妹王麗傳緋聞，基仔說：「我冇問劉翔，佢都冇介紹王麗我識，我都好關心佢嘅感情生活，不過我估佢仲係單身！」至於劉翔有否反問感情事？基仔本來欲言又止，卻漏口風表示有帶緋聞女助手與劉翔進餐：「劉翔知道真相，個答案係乜就唔講喇！」

何韻詩奪得人氣大碟獎，令她喜出望外。	鄭融與周柏豪齊齊獲得「搜尋人氣MV」獎。	鍾舒漫與陳偉霆今年人氣急升，自然不會空手而回。

金賢重連奪3獎

另外，SS501獲頒「亞洲區最具號召力組合」獎，隊長金賢重更以個人名義奪3獎，他們表示感激粉絲支持，並透過翻譯說：「好開心，可以喺香港觀光、開演唱會同得獎，對我哋嚟講係一次美麗嘅回憶！」他們向粉絲派喜訊，望於明年再次來港，並開拓大中華市場，更揚言會推出國語專輯。