06/12/2009

播放本新聞相關短片

爆炸堂:方大同被笑似瘦版鍾舒漫

身形Keep住瘦嘅方大同,身上真係一啲多餘肉都冇,最搞笑係呢排女歌手鍾舒漫(Sherman)剪咗個短髮之後,方大同仲畀人認錯咗係鍾舒漫,確係超爆笑嘅事。早排小小So見到大同都忍唔住叫佢快啲增肥!

小小So:你瘦到咁,唔怪得畀人話你似鍾舒漫啦!仲以為係你失散咗嘅妹妹呀!

大同:我哋咁啱個髮型梳咗右邊界啫!不過,講瘦可能我仲瘦過佢!

小小So:你係食素主義者,有乜方法可以增肥?

大同:公司安排我去一次台灣,就應該肥到嘅!

小小So:台灣有必肥秘方?

大同:係當地有好多素食餐廳啫!中西式嘅都有,所以去親台灣,我都成功肥一、兩磅返嚟!