06/12/2009

播放本新聞相關短片

乾濕褸古老當時興鄭融變豹女郎

轉季了,鄭融一身乾濕褸襯豹紋Boot型格登場,最適合現時早上熱、夜晚涼的飄忽天氣,兼且配搭冇難度,出街Look夠型,出Funtion見傳媒影相都掂,可謂萬無一失。

然而,最經典的莫過於鄭融的一身打扮,原來是2年前的舊貨仔,但衫不怕舊,最緊要襟興,今時今日穿上身也好像最新款式,試問香港有幾多個時裝達人如章小蕙、黃偉文、張曼玉般,可為衫癡為衫狂,一擲千金而面不改容呢?惟有物盡其用,創出自我風格,難怪鄭融坦言:「我呢件乾濕褸喺07年買,我覺得重複穿着冇所謂,最緊要啱場合。」

鄭融雖然身材嬌小,但很喜歡穿及膝的乾濕褸:「因為乾濕褸最方便快捷,着咗就可以出街見人,裏面着件普通Tee都冇所謂,而且乾濕褸通常都係淨色,好容易襯衫同鞋,最簡單襯對豹紋Boot已經好型,好似我呢對Boot都係2年前買嘅,但豹紋係今年其中一個好Hit嘅Top Item,再着都唔Out。」