經常要外出拍攝的高海寧（Samantha），當然隨時隨地會攜帶King Size的大袋「出巡」，她說：「呢個黑色大袋係我Daddy喺日本買畀我o架！可以裝好多嘢，我出親去做嘢都會帶住佢！」問到平日會帶甚麼物品開工，Samantha即時打開大袋「晒冷」說：「我個袋有好多嘢㗎！支潤唇膏好好用，有豐唇效果；相機就可以影低我化妝後個樣，因為有時啲造型好特別，好想影低佢放喺Blog度留念。仲有袋入面最緊要一定係呢盒粉，好似我成日都要出去影相，有時對腳有少少瑕疵都可以用呢盒粉修補到，輕輕一抹已經可以遮晒，好用到不得了，所以去到邊我都一定會帶埋佢。」
