模特兒Jocelyn與丈夫Anthony前晚出席由Prestige Hong Kong舉辦的慈善派對，同場舉行著名攝影師Olaf Mueller的《WE UNITE》攝影展，參與拍攝的名人包括容祖兒、張家輝、周慧敏及古天樂等，作品將作競投為「關懷愛滋」籌款。

Jocelyn表示向來欣賞Olaf，問到是否有意拍寫真？她認為提議不錯，至於會否赤裸上陣，她則有猶豫：「有難度，如果係好藝術性嘅都可以，但如果只係為性感而性感就唔得！（大肚裸照？）如果我真係有咗都可以，我覺得大肚婆係最靚嘅！」

老公出國打碟

Jocelyn夫婦向來積極行善，兩人除了撐場外，Anthony更是當晚的大會DJ，他表示已有14年做DJ的經驗：「我個DJ名叫DJ Antwone，每逢假期都會打碟，有時會去韓國同新加坡做DJ添！」另外，他們早前為尼泊爾學童籌款建校，Jocelyn說：「我收到尼泊爾小朋友寄嚟嘅信同畫，佢哋已經學識寫英文，真係好開心！」