人氣模特兒Jessica C.前晚與一班Game模出席《PlayStation《WE2010》開球禮》，為配合其「警鐘胸」身材，大會刻意安排一對迷你警鐘供答問題時用。穿上背心波褲的Jessica情緒高漲，不時高舉雙手，卻露出未剃乾淨的腋毛，遠看更是「烏卒卒」似足海膽，問到是否沒有清理？Jessica緊張地說：「我之前一日先剃過，可能剃得唔乾淨，我下次會小心啲！（仲舉高手唔尷尬？）想帶動氣氛，唔覺得尷尬同難睇，或者考慮做激光。」至於現場安排一場魔術表演，男Game模在Jessica面前變出一枚戒指，還即場跪下求婚，令她大感驚喜，問到男友曾否送戒指？她說：「經常都送，但冇求婚，求婚時一卡鑽戒都夠，不過最重要係有個人想同你共度餘生，希望25歲結婚啦！」