無綫台慶劇《宮心計》雖然人氣大熱，製造不少話題，但前晚在頒獎禮中卻失落「最佳劇集」，身為主角的佘詩曼及楊怡都坦言感到失望。對此，《宮》劇監製梅小青說：「今日（指昨日）有好多演員同工作人員都有Send SMS畀我，話戥我拎唔到『最佳劇集』唔抵，不過添哥（李添勝）攞，真係令我心悅誠服！佢係我嘅前輩，努力咗40年時間，所以應該攞，我唔覺得唔抵，係實至名歸。《宮心計》嘅台前幕後都付出咗好大努力，依家收視咁好，仲創咗有史以來，本地製作劇集嘅最高收視，已經係一個圓滿結局，而且《宮心計》嘅演員發揮咗團結精神，可以同佢哋合作，令我好開心！」