江若琳（Elanne）前晚身穿短裙到旺角為新碟《SHOW YOU》舉行簽名會，吸引近百名歌迷撐場。其中一位身形略胖的男歌迷身穿Elanne的打歌服，還模仿偶像的招牌手勢，令全場起哄！

江若琳使出「摩打手」，半小時內簽近百個名。

江若琳與男歌迷齊齊扮其招牌手勢，認真合拍。

考慮邀任個唱嘉賓

Elanne甫見該名挺着大肚腩的男歌迷即掩嘴大笑，她說：「佢個肚腩真係好得意！同埋啲衫褲真係抄到足，如果佢着埋短裙嗰套打歌服，相信仲有驚喜添！我覺得佢好有勇氣、好搞笑！」記者提議她邀請對方擔任其「處女個唱」嘉賓，Elanne聞言即興奮地說：「都好喎！可以諗吓，我估佢實OK！」

另外，問到可有擔心簽名會引起混亂？Elanne信心十足地說：「唔怕！我啲歌迷唔單止乖，佢哋仲會保護我！」簽名會上，Elanne不消半小時便為近百名歌迷簽名，她說：「我使出『摩打手』嘛！真係簽到手軟，但見到大家咁支持我，我會繼續努力！」