袁詠儀（靚靚）前晚穿上黑色低胸晚裝，出席在尖沙咀1881舉行的《Tiffany冬日花園開幕禮》，與Tiffany & Co.總裁James E Quinn及長江實業地產投資有限公司董事黃思行主持開幕儀式，齊齊在許願球上繫上蝴蝶結。

靚靚前晚穿上黑色低胸晚裝出席活動。

衣着性感的陳沛嘉，令人眼前一亮。

靚靚佩戴Tiffany價值三百多萬元的耳環、頸鏈、戒指和手鏈，雍容華貴，她向老公張智霖（Chilam）施壓說：「呢對耳環幾襯我面形，我唔貪心，頸鏈、戒指同手鏈出年再送。我先生喺我生仔前好慷慨，唔知點解我生仔後佢忽略咗。（你送乜畀老公？）佢鍾意嗰啲車，我送唔起，我照顧到個仔妥妥善善，等佢唔使擔心，已經係最大禮物！（送火鍋湯底畀老公？）唔使啦！我老公都係陪朋友去。（郭富城有着落，唔使佢陪？）我唔知，我唔答得。」

兒子最愛隨處畫

提到兒子慕童時，靚靚說：「會同佢一齊布置聖誕樹，我怕佢未到聖誕就拆晒啲禮物，佢好鍾意拎住支筆喺牆度亂畫，補髹都補幾次。」

此外，Chilam昨日到電台接受訪問宣傳新碟，他說：「靚靚有買碟支持，仲送畀張學友聽，希望佢畀啲意見。（帶慕童出席簽唱會？）唔會，好難分心照顧佢。」