在香港討論區及she.com中，有網友抨擊徐濠縈衣着冇品味，甚至辣埋老公陳奕迅（Eason）！網友lcp1978說：「你哋覺唔覺得Eason老婆着衫好核突，名牌喺佢身一啲都唔靚，咁都攞到傑出衣着獎，到底咩準則㗎？」、網友ncmc則說：「佢個樣潮唔起，同Eason一樣。」、中國女排亦說：「佢嘅品味我唔識欣賞，只可以講佢嫁到個好老公，畀咁多錢佢買靚衫，佢先有機會拎衣着品味獎，絕對係衫着人。」但亦有網友力撐阿徐着衫幾型。
何國鉦：佢係名牌奴隸
本報訪問時裝設計師何國鉦，他指阿徐初入行時不懂着衫，現時衣着下過苦功，有自己風格：「佢性格同氣質好啱依家嘅型格路線，但有人覺得佢只識買名牌，唯一可以話佢係名牌奴隸，唔代表唔靚，花得起錢唔係壞事，奴隸都有自己Style，起碼唔會着到騎呢！可能網友覺得佢Cool，唔平易近人。但站喺設計師角度，佢着衫唔核突，冇胸冇籮但冇刻意暴露。」而形象指導張學潤讚阿徐懂得Fashion，有自己風格：「佢做咗媽咪，年紀漸長可轉風格，唔使咁前衞。」
艾粒暗寸被金牌冷待
另一邊廂，徐濠縈老公Eason前晚出席叱咤五強拉票，大會宣布「我最喜愛的男女歌手」五強名單，男歌手分別是（排名不分先後）：古巨基、Eason、方大同、麥浚龍及張敬軒；女歌手則有容祖兒、楊千嬅、謝安琪、何韻詩和G.E.M.。Eason與Kay在台上被基仔隔開，Eason眼神迴避Kay，更沒有投她一票免緋聞再被炒熱，Eason坦言已多次澄清，卻仍沒完沒了，他忟憎地說：「係咪要搞到我唔做，如果我係四大天王或前輩級歌手，會選擇唔玩。」對於Eason女兒被傳媒跟蹤，Kay深表同情，坦言會慰問他。而首次打入「我最喜愛的男歌手」五強，Juno大感驚訝；艾粒則請來另一間唱片公司的宣傳人員拉票，似暗寸被金牌大風「冷待」！記者致電Donald，他說：「梗係唔係！公司幫我哋搞緊開六場騷！」