王喜在劇集《烈火雄心3》中的角色「阿牛」雖然遭遇坎坷，卻甚討好觀眾，贏盡同情心，就算與同劇的鄭嘉穎傳出不和是非，亦無損觀眾對他的愛戴，並在台慶頒獎禮獲「最佳男主角」和「我最喜愛的電視男角色」兩項提名。
阿喜認為外界一直對他了解不深，故常對他有誤解：「我唔係訓練班出身，一入行就直接拍劇，所以好多人對我有誤解和誤會。過去十年，我好盡力去證明畀大家睇，唔用替身，用血汗畀大家知道我嘅真誠！」他坦言沒有奢想當晚雙喜臨門，因他心中有數：「我心水『視帝』係黎耀祥，真係諗唔到咩理由黎耀祥今年會輸。而我落敗，就因為做得未夠好，其實可以再演好啲，不過如果真係幸運得獎，就要繼續努力報答觀眾！」
