郭政鴻對契爺無綫高層梁家樹相當有心，知道契爺套台慶劇《富貴門》收視輸畀《宮心計》成條街，個心唔舒服又冇面，做契仔嘅鴻仔，馬上約齊人腳，幫自己開個生日Party，等契爺開心吓，忘記工作。
小小So知道鴻仔搞生日Party嗰日，唔係佢生日正日，係提早舉行，目的為遷就契爺。
鴻仔：冇所謂啦！都係慶祝啫！大家搵個藉口玩吓！
小小So：梁家樹為《富》劇唔開心？
鴻仔：收視嘅嘢，冇得講，講真《富》劇製作係好認真，但《宮》劇嘅劇情多勾心鬥角，師奶觀眾鍾意睇，其實兩套劇都好，百花齊放囉！
小小So：兩套劇唔好放埋一齊出就冇問題啦！分開睇，《富》劇當然可以獨當一面，只係兩套劇一齊出，咪有比較囉！
