近年在模界冒起的諸葛梓岐，對身體各部分均很自豪，她笑說：「身體髮膚受諸父母，所以要悉心保養，無論靚靚膊頭、一雙玉手甚至十隻手指甲，我都覺得好靚。」潮流興繪甲，梓岐當然為十隻自豪的指甲「化妝」，她說：「我好滿意甲形嘅整齊度，所以每個星期都會去美甲，幫指甲『化妝』，手繪唔同圖案。今期比較興Sharp嘅圖案，所以揀咗星星同間條花紋！我嘅甲面較闊兼夠平滑，可以畫到圖案又易上色，睇落去色彩鮮艷，自己都好開心。」
除了美甲外，梓岐自爆還有很多扮靚心得，她說：「時下女仔鍾意扮靚係無可厚非，但有時都要小心，好似依家興戴『大眼仔』（擴大眼珠的隱形眼鏡），但戴得耐會好傷眼睛，所以我唔敢戴，加上我對一雙夠黑、夠大嘅眼珠都好滿意！」
