最近網上流傳一張被指似陳奕迅（Eason）及謝安琪（Kay）的照片，Kay事後激動否認，但Eason卻一於少理，昨日出席活動時更風騷地打乒乓球，並笑說：「諗住帶私家拍嚟，但拎出嚟先發覺佢滑過阿徐（徐濠縈）塊面！」他表示已得悉照片一事：「有同事話我知，我唔答。（有記者畀阿徐睇？）哦！原來係咁，我未睇，亦唔需要睇！」問到有否為報道激氣，他竟一臉得戚地周身郁，還抵死地說：「仲好招積添！」記者指Kay十分激動，但Eason只是周圍望，未有回應。Eason表現「闊佬懶理」，但其經理人陳家瑛昨日卻發聲明，指部分報道不盡不實，令Eason、其家人及朋友情緒受困擾，並影響Eason形象，強調如再有毫無根據的報道，將採取法律行動。

放大圖片	徐濠縈前晚臨時缺席畫展，有避席之嫌。 資料圖片

阿徐甩底畫展

至於阿徐前晚本與何志恩出席畫展，但卻臨時缺席，何志恩勞氣地力撐好友與Eason感情不變，問到阿徐有否受影響，何志恩說：「佢有Disturb，但佢兩公婆EQ好高，可以應付呢啲新聞，總之佢哋兩個冇事！」

何志恩力撐阿徐與Eason感情要好，不受負面新聞影響。	向來對打扮有心得的阿Sa與蘇永康，當選今屆「十大傑出衣着人士」。 資料圖片	放大圖片

另外，本報昨日率先披露阿徐與蘇永康入選今屆《十大傑出衣着人士頒獎禮》，得獎者還有蔡卓妍（阿Sa）、阮經天及湯唯，首度得獎的阿Sa說：「我一直好鍾意Fashion，仲諗過出書分享心得，因為我收埋好多小貼士同新發現，我發現Tube Top可以當Belt用，效果好好！」至於蘇永康則感激父母：「係佢哋話我聽咩叫靚！我好幸運，唔係咁多人可以將興趣變為工作，而音樂同時裝都係我嘅興趣。」而阮經天方面則說：「他喜歡潮Tee裝扮，但只要有公開活動，都十分慎重，先由造型師度身打造，再交老闆審核，並考慮撞衫問題。」