謝賢（四哥）與狄波拉昨日均力撐愛女婷婷，拉姑坦言曾不想愛女入行：「我問過佢捱唔捱得，佢話『姓謝嘅入行唔係嚟玩』。（受男友影響？）唔覺，佢哋都好成熟。」至於謝賢則笑言任由愛女發展：「我初初都唔贊成，但呢啲係上天安排。（唔簽埋畀英皇？）英皇女藝人好多！」
鄭欣宜昨日上台獻花，祝願婷婷星途璀璨，欣宜說：「細個一見到婷婷就已經覺得佢好型。（贊成佢拍戲？）入得呢行，應該樣樣都試，有機會都想合作。」陳百祥與黃杏秀齊齊力撐世姪女，阿叻說：「婷婷有晒四哥同拉姑嘅優良遺傳，我就話冇人接到班啫！婷婷唔好埋沒優良傳統。」
