曾在《珠光寶氣》中與陳鴻烈有床戲的朱慧敏，昨日是第一個藝人趕到醫院見他最後一面，她在電話中泣不成聲：「我喺床邊同烈哥講，祝佢一路好走，你一定上天堂！我哋他日會喺天堂再見。我知佢鍾意見到我哋笑，我喊係因為真係好唔捨得！我婆婆、阿姨同媽咪都係癌病過身，從正面角度睇，佢今次唔使受苦。」她透露與陳鴻烈經常聯絡：「我哋合作過好多部劇，因為佢喺香港只係同一個親人住，我又冇兄弟姊妹，有次我條腰有事完全郁唔到，佢好好幫我安排醫生，真係好關心啲後輩，仲成日教我哋演戲！成日叫我『傻女，做戲要慢慢嚟』，真係好唔捨得！」
陳鴻烈初戀情人鄭佩佩，得知其死訊後傷心至泣不成聲，她透過妹妹說：「唔信係事實，上個月先聚過，我哋成日睇戲食飯，早排原子鏸演出佢都有撐場！」提到當年的緋聞，她表示已是陳年舊事：「已經係60年代嘅事，依家大家係老朋友！但我唔知佢身體有事！」佩佩表示因忙於工作，故未必能回港協助辦理陳鴻烈身後事。
至於曹敏莉於拍攝《脂胭水粉》時，因經常接載陳鴻烈返家而傳出緋聞，她直言緋聞無中生有。得聞死訊後，她亦非常難過：「我哋成日喺公司撞到，烈哥係一個好開心、好正面嘅老人家，希望佢家人節哀順變。」